काठमाडौँ २० भदौ / काठमाडौं महानगरपालिकाले सहकारीसम्बन्धी उजुरी तथा गुनासो दिनानु दिन बढ्दै गएकाले दर्ता गर्न सबै वडा कार्यालयलाई आग्रह गरेको छ। पछिल्लो समय बचत रकम फिर्ता माग सम्बन्धी बचतकर्ताकाे गुनासो दिनानु बढ्दै गएपछि महानगरपालिकाले वडामै गुनासो दर्ता गर्न भनेको हो।

महानगरपालिकाका अनुसार काठमाडौँ महानगरपालिका सहकारी नियमावली, २०८० को नियम १६ मा सदस्यको बचत रकम फिर्तासम्बन्धी व्यवस्था छ। सोही नियमको उप नियम (३) मा संस्थामा जम्मा गरेको बचत रकम सदस्यले मागेका वखत व्याजसहित तुरुन्त फिर्ता दिनु पर्नेछ भन्ने व्यवस्था छ।

बचत रकम फिर्ता माग सम्बन्धी बचतकर्ताकाे गुनासो दिनानु दिन बढ्दै गएकाले तहाँ वडा क्षेत्रभित्र सञ्चालित काठमाडौं महानगरपालिकाको क्षेत्राधिकारभित्र पर्ने सहकारी संस्थाहरूबाट वचत रकम फिर्ता माग गरिएको उजुरी तथा गुनासो देहायका कागजात सहित दर्ता गरी यसैसाथ संलग्न ढाँचाको पत्र संस्थालाई जारी गरीदिनु हुन सूचना प्रकासित गरि अनुरोध गरेको छ।